Jatta

Пайдалану шарттары

Соңғы жаңарту:

Осы Пайдалану шарттары («Шарттар») — сіз бен Jatta әзірлеушісі арасындағы келісім. Онда Jatta мобильді қосымшасы мен https://jatta.app сайтын (бірге — «Қызмет») пайдаланғанда сіз бізден не күте алатыныңыз және біз сізден не күтетініміз түсіндірілген. Оларды мұқият оқып шығыңыз.

Шарттар туралы

Jatta-ны Қазақстан Республикасында тұратын тәуелсіз әзірлеуші жасап, жүргізеді (бұдан әрі — «Jatta», «біз»). Jatta App Store мен Google Play-де әзірлеушінің жеке аккаунты арқылы жарияланған.

Біздің Құпиялылық саясатымыз дербес деректеріңізді қалай өңдейтінімізді түсіндіреді және осы Шарттардың ажырамас бөлігі болып табылады.

Шарттарды қабылдау

Jatta-ға кіру арқылы сіз осы Шарттар мен Құпиялылық саясатын оқып, қабылдағаныңызды растайсыз. Келіспесеңіз, Қызметті пайдаланбаңыз.

Jatta-ны кім пайдалана алады

Jatta 13 жасқа толмаған балаларға арналмаған. Егер сізге 18 жас толмаса, Jatta-ны тек ата-анаңыздың немесе заңды өкіліңіздің келісімімен пайдалана аласыз — ол осы Шарттарды сіздің атыңыздан қабылдайды.

Аккаунтыңыз

  • Jatta-ға Apple немесе Google аккаунтыңыз арқылы кіресіз. Құпиясөзбен кіру қарастырылмаған.
  • Аккаунт тек бір адамға арналған. Оны басқаға бермеңіз және біреудің аккаунтын пайдаланбаңыз.
  • Аккаунтты ең көбі 5 құрылғыда пайдалануға болады.
  • Құрылғыларыңыз бен Apple не Google аккаунтыңыздың қауіпсіздігін қадағалаңыз. Аккаунтыңызда жасалған әрекеттерге өзіңіз жауаптысыз.
  • Рұқсатсыз пайдалануды байқасаңыз, бізге дереу support@jatta.app арқылы хабарлаңыз.

Сол аккаунт (Jatta ID) сол әзірлеушінің жеке қосымшасы — Jatta Keyboard-та да жұмыс істейді. Jatta Keyboard-ты пайдалануға оның өз шарттары қолданылуы мүмкін.

Қызмет тегін

Қазір Jatta-ны тегін пайдалануға болады: ішкі сатып алулар да, жарнама да жоқ.

Болашақта ақылы функциялар қосуымыз мүмкін. Ондай жағдайда бұл туралы алдын ала хабарлаймыз, ал ақылы функциялар жеке шарттармен ұсынылады. Кез келген сатып алу App Store немесе Google Play арқылы, олардың ережелеріне сәйкес жүзеге асырылады.

Jatta-ны пайдалану лицензиясы

Біз сізге Jatta қосымшасын өзіңізге тиесілі немесе өзіңіз басқаратын құрылғыларға орнатып, осы Шарттарға сәйкес өз бетіңізше коммерциялық емес мақсатта тіл үйрену үшін пайдалануға жеке, шектеулі, айрықша емес, басқаға берілмейтін және кері қайтарып алынатын лицензия береміз.

Рұқсат етілген пайдалану

Jatta-ны пайдаланғанда сіз мыналарды жасамауға міндеттенесіз:

  • Қызметтен деректерді автоматты құралдармен жинау (скрейпинг, краулинг және т.б.).
  • Заң тікелей рұқсат еткен жағдайлардан басқа кезде қосымшаны көшіру, өзгерту, декомпиляциялау, кері инженериямен талдау немесе оның бастапқы кодын алуға тырысу.
  • Құрылғы лимитін, қауіпсіздік шараларын немесе басқа техникалық шектеулерді айналып өту.
  • Серверлеріміздің жұмысына кедергі келтіру, оларды шамадан тыс жүктеу немесе оларға рұқсатсыз қол жеткізуге тырысу.
  • Қызметті заңсыз, зиянды немесе қорлайтын мақсатта не басқа адамдарға зиян келтіру үшін пайдалану.
  • Біздің жазбаша рұқсатымызсыз Қызметті қайта сату, жалға беру немесе коммерциялық мақсатта пайдалану.

Видеолар және үшінші тараптың контенті

Jatta нақты YouTube видеоларын YouTube-тың кірістірілген ойнатқышы және YouTube API қызметтері арқылы көрсетеді. Jatta-ны пайдалана отырып, сіз YouTube қызмет көрсету шарттарын сақтауға келісесіз. Google деректерді қалай өңдейтіні Google құпиялылық саясатында сипатталған.

  • Бұл видеолар бізге тиесілі емес. Олар авторларына тиесілі.
  • Видеоларды YouTube немесе авторлары кез келген уақытта жоюы не қолжетімсіз етуі мүмкін, біз бұған ықпал ете алмаймыз.
  • Аудармалар, сөздік мақалалары және басқа да оқу көмекшілері үйренуге жәрдем беру үшін ұсынылады. Оларда қателер болуы мүмкін, сондықтан оларды кәсіби аударма ретінде қабылдамаңыз.

Сіздің контентіңіз

Jatta-да өз контентіңізді жасай аласыз, мысалы, сақталған сөздер мен дестелер. Ол сізге тиесілі болып қалады. Сіз бізге оны тек Қызметті ұсыну үшін қажет көлемде, мысалы, құрылғылар арасында синхрондау үшін сақтауға және өңдеуге рұқсат бересіз.

Бізге пікір немесе ұсыныс жіберсеңіз, біз оларды Jatta-ны жақсарту үшін сіздің алдыңызда ешқандай міндеттемесіз пайдалана аламыз.

Зияткерлік меншік

Jatta қосымшасы мен сайты, атауы, логотипі, дизайны, бағдарламалық жасақтамасы және өз оқу материалдарымыз бізге немесе лицензиарларымызға тиесілі және заңмен қорғалады. Жоғарыда сипатталған лицензиядан басқа, осы Шарттар сізге оларға ешқандай құқық бермейді.

Хабарландырулар

Jatta сізге еске салғыштар мен қызметтік хабарландырулар жібере алады, мысалы, күнделікті серияңыз туралы. Маркетингтік хабарландырулар тек өзіңіз қосқан жағдайда келеді. Хабарландыруларды қосымшадағы Профиль → Хабарландырулар бөлімінде немесе құрылғы баптауларында басқара аласыз.

Тоқтата тұру және тоқтату

Jatta-ны кез келген уақытта пайдалануды тоқтатып, аккаунтыңызды Профиль → Аккаунт → Аккаунтты жою бөлімінде жоя аласыз. Толығырақ — Jatta аккаунтын жою бетінде.

Егер сіз осы Шарттарды өрескел немесе бірнеше рет бұзсаңыз, заң талап етсе немесе Қызметті не басқа пайдаланушыларды қорғау үшін қажет болса, Қызметке қолжетімділігіңізді тоқтата тұруымыз немесе тоқтатуымыз мүмкін. Мүмкіндігінше себебін алдын ала хабарлаймыз.

Кепілдіктерден бас тарту

Қызмет «сол күйінде» және «қолжетімді болған кезде» ұсынылады. Біз Jatta пайдалы әрі тұрақты жұмыс істеуі үшін барын саламыз, бірақ Қызмет әрдайым қолжетімді, үздіксіз және қатесіз болатынына немесе оқуда белгілі бір нәтижеге жететініңізге кепілдік бермейміз.

Жауапкершілікті шектеу

Қазақстан Республикасының заңнамасы рұқсат еткен шекте біз Қызметті пайдаланумен немесе оны пайдалана алмаумен байланысты жанама шығындарға, деректердің жоғалуына немесе алынбай қалған пайдаға жауап бермейміз. Осы Шарттардағы ештеңе қолданыстағы заңнамаға сәйкес шектеуге болмайтын жауапкершілікті шектемейді.

Қызмет пен шарттардағы өзгерістер

Уақыт өте келе Қызметтің функцияларын өзгертуіміз, қосуымыз немесе алып тастауымыз мүмкін.

Сондай-ақ осы Шарттарды жаңартуымыз мүмкін. Ондай жағдайда «Соңғы жаңартылған күні» өзгереді. Елеулі өзгерістер туралы олар күшіне енгенге дейін қосымшада хабарлаймыз. Өзгерістер күшіне енгеннен кейін Jatta-ны пайдалануды жалғастырсаңыз, жаңартылған Шарттарды қабылдаған боласыз.

Қолданылатын құқық және даулар

Осы Шарттар Қазақстан Республикасының заңнамасымен реттеледі.

Jatta-ға қатысты мәселе туындаса, алдымен бізге support@jatta.app мекенжайына жазыңыз — біз оны шешуге тырысамыз. Мәселені бірлесіп шеше алмасақ, егер заң сізге басқа сотты таңдау құқығын бермесе, дау Қазақстан Республикасының құзыретті сотында қаралады.

Apple App Store шарттары

Jatta-ны Apple App Store-дан жүктеп алсаңыз, мыналар да қолданылады:

  • Осы Шарттар Apple-мен емес, тек сіз бен біздің арамызда жасалған. Қосымша мен оның мазмұнына Apple емес, тек біз жауаптымыз.
  • Лицензияңыз қосымшаны App Store пайдалану ережелеріне сәйкес өзіңізге тиесілі немесе өзіңіз басқаратын Apple құрылғыларында пайдаланумен шектеледі.
  • Apple қосымшаға қандай да бір техникалық қызмет көрсетуге немесе қолдау көрсетуге міндетті емес.
  • Қосымша қолданылатын кепілдікке сәйкес келмесе, Apple-ға хабарлай аласыз, ал Apple сатып алу құнын (егер болса) қайтаруы мүмкін. Заң рұқсат еткен шекте Apple-дың қосымшаға қатысты басқа кепілдік міндеттемесі жоқ.
  • Apple сіздің немесе үшінші тараптың қосымшаға қатысты кез келген талаптарын, соның ішінде өнім үшін жауапкершілік, қосымшаның заңнамалық не реттеуші талаптарға сәйкес келмеуі және тұтынушылар құқығын қорғау жөніндегі талаптарды қарауға жауапты емес.
  • Үшінші тарап қосымша немесе оны пайдалануыңыз өзінің зияткерлік меншік құқықтарын бұзады деп мәлімдесе, мұндай талапты тексеруге, қорғауға және реттеуге Apple емес, біз жауаптымыз.
  • Сіз АҚШ үкіметі эмбарго жариялаған немесе «терроризмді қолдаушы» деп таныған елде тұрмайтыныңызды және АҚШ үкіметінің тыйым салынған не шектеулі тұлғалар тізімдерінің ешқайсысына енгізілмегеніңізді растайсыз.
  • Қосымшаны пайдаланғанда үшінші тараптардың қолданылатын шарттарын сақтауыңыз керек.
  • Apple және оның еншілес компаниялары осы Шарттардың үшінші тарап пайда алушылары болып табылады және сіз Шарттарды қабылдағаннан кейін Apple оларды сізге қатысты орындатуға құқылы.

Байланыс

Басты бетке